Aravot.am-ի տեղեկություններով, սեպտեմբերի 6-ին երեկոյան 6-ի սահմաններում ՆԳՆ ոստիկանության Արարատի մարզի օպերատիվ կառավարման կենտրոն հաղորդում է ստացվել, որ ոստիկանության օպերատիվ կառավարման կենտրոն է զանգահարել ՌԴ սահմանապահ զորքերի ներկայացուցիչը եւ հայտնել, որ Գեղարքունիքի մարզի Ծովակ գյուղի բնակիչ Ա. Գ-ն խախտել է սահմանային ռեժիմը։
ԱԱԾ եւ ոստիկանության կողմից ձեռնարկված միջոցառումների արդյունքում պարզվել է, որ Ա․Գ-ն նույն օրը Արտաշատի ուղեկալի կողմից փորձել է հատել Հայաստան-Թուրքիա պետական սահմանը, սակայն արգելափակվել է սահմանային մետաղական փշալարերի մեջ, ապա նա հայտնաբերվել է ՌԴ սահմանապահ զորքերի ծառայողների կողմից։
Ա․Գ.-ն ձերբակալվել է, նա ենթարկվել է սթափության վիճակի զննության: Պարզվել է, որ ՀՀ քաղաքացին գտնվում է ալկոհոլի ազդեցության տակ:
Ա․Գ.-ից ընդունվել է բանավոր հաղորդում։ Հանգամանքները պարզվում են։ Լրացված փաստաթղթերն ուղարկվել են Քննչական կոմիտեի Արարատի մարզային քննչական վարչություն։
