«Միայն կարող եմ ձեզ խորհուրդ տալ՝ հերիք է մեր ժողովրդին տեռորի ենթարկեք՝ հարեւան երկրներից եկող սպառնալիքներն ԱԺ ամբիոնից հնչեցնելով։ Բոլորն էլ ամեն ինչ լսում են։ Կարիք չկա ամեն անգամ էստեղ գաք ու տարբեր երկրների, այդ թվում ոչ բարեկամ երկրների ղեկավարության հորդորները, կոչերը եւ տարբեր նպատակներով հնչեցված խոսույթները ստեղից հնչեցնեք։ Ամեն ինչ մամուլում կա, եթե մարդկանց պետք է՝ կկարդան։ Պետք չի տեռորի ենթարկել մեր ժողովրդին»,- խորհրդարանում այսօր վրդովվեց ԱԺ նիստը նախագահող Հակոբ Արշակյանը՝ «Հայաստան» խմբակցության պատգամավոր Լիլիթ Գալստյանի ելույթից հետո։
Խորհրդարանում քննարկվում էր ՊԵԿ-ի գործունեության 2024 թվականի հաշվետվությունը։ Ընդդիմադիրների ելույթները նվիրված էին Հայաստան-Ադրբեջան խաղաղության նախաստորագրված համաձայնագրին, Վաշինգտոնում ձեռք բերված այլ համաձայնություններին, ինչից հետո Ադրբեջանի նախագահը, այդ երկրի տարբեր պաշտոնյաներ հրապարակային պահանջներ են ներկայացնում ՀՀ-ին՝ ի հեճուկս Հայաստանի իշխանավորների՝ ՀՀ ինքնիշխանության մասին հայտարարությունների։ Ընդդիմադիր պատգամավորների ելույթների առանցքի հիմքում նաեւ արցախահայերի ապահով վերադարձի հարցն էր, հայ ռազմագերիների վերադարձի հարցը, ինչի մասին ՀՀ իշխանությունն առհասարակ չի խոսում, հրաժարվել է այդ խնդիրներից։
«Եթե ձեր կողմից դա իրականություն է որպես դիտվում, ապա խնդրեմ՝ գնացեք ձեր իրականության մեջ ապրեք։ Եթե ձեր պատկերացրած իրականությունը դա է, ապա խնդրեմ, այդ իրականության հետ ապրեք»,- ընդդիմադիրներին դիմեց Հակոբ Արշակյանը։
Մանրամասները՝ այստեղ
Կարդացեք նաև
Ամբողջական տեսանյութը՝ այստեղ՝
Նելլի ԳՐԻԳՈՐՅԱՆ
