The Guardian-ի փոխանցմամբ, Ալբանիայի վարչապետ Էդի Ռաման հայտարարել է, որ թվային օգնականը, որը մարդկանց օգնում է առցանց օգտվել պետական ծառայություններից, դարձել է առաջին «վիրտուալ նախարարն» ու նշանակվել է պետական գնումների պատասխանատու՝ կոռուպցիան կրճատելու նպատակով։
Դիելան, ինչն ալբաներեն նշանակում է «Արև», այս տարվա հունվարից խորհրդատվություն է տալիս e-Albania պետական պորտալի օգտատերերին՝ օգնելով նրանց ձայնային հրամանների միջոցով կատարել ամբողջ բյուրոկրատական գործերի շրջանակը, որն անհրաժեշտ է քաղաքացիների համար նախատեսված շուրջ 95% ծառայություններից օգտվելու համար։
«Դիելան, նախարարների կաբինետի առաջին անդամը, որը ֆիզիկապես գոյություն չունի, այլ ստեղծվել է արհեստական բանականությամբ, կօգնի Ալբանիան դարձնել այնպիսի երկիր, որտեղ պետական տենդերները 100% ազատ են կոռուպցիայից», — հինգշաբթի օրը հայտարարել է Էդի Ռաման։
