Խորվաթիայի մայրաքաղաքում այսօր մեկնարկել է ազատ ոճի ըմբշամարտի աշխարհի առաջնությունը:
Մրցումային առաջին օրը Զագրեբում Հայաստանի ազգային հավաքականից պայքարի մեջ ներգրավվել են երկու ըմբիշներ՝ 61 կգ քաշային Մանվել Խնձրցյանը եւ 70 կգ քաշային Արման Անդրեասյանը:
Արմանը անցկացրել է երեք գոտեմարտ ու բոլորում էլ հաղթել է մրցակիցներին: Մեկնարկելով որակավորման փուլում՝ մեր ըմբիշը նախ պայքարից դուրս է թողել տաջիկ մրցակցին, 1/8 եզրափակչում առավելության է հասել Սերբիայի ներկայացուցչի նկատմամբ, իսկ քառորդ եզրափակչում պարտության է մատնել ադրբեջանցի Քանան Հեյբատովին: Այսօր երեկոյան կիսաեզրափակիչ գոտեմարտում Արմանի մրցակիցը լինելու է ճապոնացի Յոշինոսուկե Աոյագին:
Մանվել Խնձրցյանը, որը մեկնարկում առավելության էր հասել իտալացու նկատմամբ, հաջորդ փուլում պարտվել է UWW դրոշի ներքո հանդես եկող Զավուր Ուգուեւին, բայց դեռ սփոփիչ գոտեմարտի մասնակցելու եւ աշխարհի առաջնության բրոնզե մեդալի համար պայքարը շարունակելու հեռանկար ունի, եթե Ուգուեւը հաղթահարի նաեւ կիսաեզրափակչի արգելքը ու մտնի եզրափակիչ:
Կարդացեք նաև
Աշոտ ՀԱԿՈԲՅԱՆ
