Ֆեյսբուքյան գրառմամբ անդրադառնալով ՀՀ կառավարության որոշմանը, ըստ որի՝ նոյեմբերի 1-ից ՀՀ մուտքի կամ ելքի սահմանանշանի վրա այլևս պատկերված չի լինի Արարատ լեռը՝ երգչուհի Լիլիթ Բլեյանը նշում է.
«Սահմանապահ ծառայության կնիքի վրայից Արարատի պատկերը հեռացնելու պաշտոնական հիմնավորումը հնչում է այսպես.
«Տվյալ նշումների կեղծման ռիսկերի նվազեցման, դրանց ճանաչելիության, հստակ տեսանելիության և ընթեռնելիության, միջազգային չափանիշներին համապատասխանության ապահովման, ինչպես նաև սահմանային վերահսկողության արդյունավետության բարձրացման նպատակով առաջարկվում է վերանայել դրանց ձևերը»։
Առանց Արարատի՝ դրոշմն ավելի ճանաչելի, ընթեռնելի ու դժվար կեղծելի՞ է դառնում։ Գոնե տրամաբանական հիմնավորում չե՞ն կարողացել հորինել։
Կարդացեք նաև
Ինչո՞ւ է այս որոշումն ընդունվել որպես փակ, չզեկուցվող հարց, հանրությունից գաղտնի։ Էդ գաղտնիության հիմնավորո՞ւմը որն է։ «Սղղացնենք-անցնի» պետական ծրագրի շրջանակներո՞ւմ։
Ո՞վ և ինչպե՞ս կարող է բողոքարկել այս որոշումը»։
Նշենք, որ ՀՀ կառավարության տվյալ որոշումը մեծ ոգեւորություն է առաջացրել թուրքական մամուլում եւ սոցկայքերում:
Ինչպես հայտնում է News.am-ը, թուրքական NTV-ն շեշտել է, որ Հայաստանն այս քայլին է գնացել Թուրքիայի հետ հարաբերությունների կարգավորման շրջանակում։
Իսկ Haber7–ը գրել է, թե Թուրանի համար «Զանգեզուրի միջանցքին» կանաչ լույս վառած Հայաստանը հրաժարվում է Արարատ լեռան պատկերից՝ հիշեցնելով Հայաստանի վարչապետ Նիկոլ Փաշինյանի խոսքը, թե Արարատ լեռը Հայաստանին չի պատկանում։
