Խորվաթիայում այսօր մեկնարկած հունահռոմեական ոճի ըմբշամարտի աշխարհի առաջնությունում օլիմպիական խաղերի բրոնզե մեդալակիր, Եվրոպայի քառակի չեմպիոն Մալխաս Ամոյանը մեկնարկային գոտեմարտում ամերիկացի Քամալ Ամիր Բեյին միավորներով հաղթելուց հետո 1/8 եզրափակչում հանդիպելու է Լեհաստանի ներկայացուցիչ Մաթեուշ Բերնատեկի հետ:
Գերծանր քաշային Ռազմիկ Քուրդյանը ադրբեջանցուն հաղթելուց հետո, ցավոք, երկրորդ մենամարտը տանուլ տվեց UWW-ի դրոշի ներքո հանդես եկող Պավել Կլինչուկին: Պարտությունով մեկնարկեց 82 կգ քաշային Սամվել Գրիգորյանը, իսկ Մանվել Խաչատրյանը գոտեմարտելու է թուրք Մուհամմետ Էմին Սակիրի հետ:
Աշոտ ՀԱԿՈԲՅԱՆ
