«Ազատություն» – Պաշտոնական Բաքուն կրկին հայտարարում է՝ հայ-ադրբեջանական խաղաղության համաձայնագրի ստորագրման համար Հայաստանը պետք է փոխի իր Սահմանադրությունը՝ վերացնելու «տարածքային պահանջները»։
«Վաշինգտոնյան հանդիպման արդյունքները վերահաստատեցին Ադրբեջանի կողմից առաջ քաշված խաղաղության օրակարգը: Խաղաղության այս պատմական հնարավորությունից օգտվելու և խաղաղության համաձայնագիր ստորագրելու համար պետք է վերացվեն Հայաստանի Սահմանադրության տարածքային պահանջները», – մասնավորապես ասված է Ադրբեջանի ԱԳՆ-ի՝ «պետական ինքնիշխանության օրվա» կապակցությամբ տարածած հայտարարությունում:
