ԱԺ «Պատիվ ունեմ» խմբակցության նախաձեռնությամբ այսօր հրավիրվել են խորհրդարանական լսումներ: Քննարկվում է խմբակցության ներկայացրած «Ազգային ճգնաժամի եւ կառավարման ձախողման մասին» ԱԺ հայտարարության նախագիծը:
«Նիկոլ Փաշինյանի քաղաքական սխալներից առաջինը Արցախի կորուստն էր՝ հրաժարվել Մինսկի խմբի առաջարկներից եւ հետո իմիտացիա անել, թե պատերազմ է վարել։ Նախօրոք որոշել են, որ թող մի 4-5 հազար մարդ զոհվի, որ հայ ժողովուրդը մտածի՝ պատերազմ ենք արել ու պարտվել։ Իրականում մենք պատերազմ չենք արել, մենք զորակոչ չենք ունեցել, չենք մոբիլիզացրել բանակը, չենք աշխատացրել գործարանները, որոնք կարող էին զինամթերք արտադրել, սրանք կոնկրետ հանցագործություններ են»,- իր ելույթում ասաց նախկին վարչապետ, ԱԺ նախկին պատգամավոր Հրանտ Բագրատյանը։
Նա ասաց, որ Հայաստանի վերջին սահմանը Ադրբեջանի հետ սահմանվել է 1988-ի հունվարի 12-ին, հինգական մարդ երկու կողմից ստորագրել են։ Ադրբեջանը միակ հարեւանն է, որի հետ ամբողջովին սահմանագծված է 975 կմ սահմանից 965-ը։
Մանրամասները՝ տեսանյութում.
Կարդացեք նաև
«Այստեղ Ազգային ժողովում Նիկոլ Փաշինյանը եւ Մհեր Գրիգորյանը հայտարարեցին, որ դա չի հաստատվել։ Դա հաստատվելու կարիք չունի։ Եթե դու Հայաստանի սահմանը չգիտես, դու ի՞նչ գիտես, որ Հայաստանը 29 743 քկմ է, դա հլա պիտի սահմանազատես։ Սենց սուտ ու լկտիություն չեմ կարող պատկերացնել»,- ասաց նա։ Ըստ Բագրատյանի՝ միայն Գորիս-Կապան հատվածում 440 կմ են այս իշխանությունները զիջել ադրբեջանիցներին, որը լրիվ մերն է։ Մենք չէինք կարող Գորիս-Կապան ճանապարհը կառուցել Ադրբեջանի տարածքում։ Ճանապարհը կառուցվել է հայկական ԽՍՀ նախարարների խորհրդի որոշմամբ, իսկ հայկական ԽՍՀ նախարարների խորհուրդն այլ հանրապետությանն տարածքում անելիք չուներ։ «Եկավ, ասաց՝ Էյվազլի ու Չայզամի, հողերը տվեց դուրս եկավ էդ ճանապարհին։ Ավելին, մենք նույնիսկ հաշվել ենք, թե ինչքան պետք է լինի Հայաստանի տարածքը 1988-ի հունվարի 12-ին, այն պետք է լինի 30 157 քկմ»,- նշեց նա։
Ամբողջական տեսանյութը՝ այստեղ.
Ռոզա ՀՈՎՀԱՆՆԻՍՅԱՆ
Լուսանկարն՝ արխիվային
