«Այն իշխանությունը, որը հստակ վերաբերմունք ունի և չի գիտակցում մարդկային դերն ու արժեքը, մարդկային սխրանքը, նրանից որևէ այլ ակնկալիք ունենալ չենք էլ կարող»,- hարցին՝ ինչո՞ւ մինչև այսօր իշխանությունը համարձակություն չունի հրապարակելու զոհերի միասնական ցուցակը, Եռաբլուրում 44-օրյա պատերազմի 5-ամյա տարելիցի օրը լրագրողների հետ զրույցում այսպես պատասխանեց ՀՀ ԱԺ «Պատիվ ունեմ» խմբակցության քարտուղար Տիգրան Աբրահամյանը։
Ըստ նրա՝ այս իշխանություններն ամեն ջանք գործադրում են քողարկելու այն ամենը, ինչ տեղի է ունեցել պատերազմից առաջ, պատերազմի օրերին և հետո․ «Պետության վերաբերմունքը, որն արտացոլվում է երկրի առաջին քաղաքական դեմքերի միջոցով, ցույց է տալիս արձագանքը բոլոր այն մարդկանց նկատմամբ, որոնք նվիրված են և կյանքը զոհաբերել են հանուն ՀՀ-ի»։
Հարցին՝ ի՞նչ պակասեց հաջողության համար, ի՞նչը պատճառ դարձավ պարտության, Տիգրան Աբրահամյանը պատասխանեց․ «Պատերազմում հաջողության հասնելու համար նախ պետք է ցանկություն ունենաս, որովհետև այս՝ հատկապես վերջին երկու-երեք տարիներին իշխանության հնչեցրած բոլոր գնահատականները ցույց են տալիս, որ այն, ինչ հրապարակային մատուցվել է հանրությանը, իշխանությունն իրականում մտածել է ճիշտ հակառակը։ Այն հողը, որ դու քո հայրենիքի մաս չես համարում, որը հայ ժողովրդի բազմադարյա բնօրրանը չես համարում, համապատասխան կամք էլ չես ունենա այդ հողը պաշտպանելու»։
Կարդացեք նաև
Տաթև ՀԱՐՈՒԹՅՈՒՆՅԱՆ
