«Իմ քայլը» խմբակցության ղեկավար Արմեն Գալջյանի ֆեյսբուքյան գրառումը
Այսօր տեղի ունեցավ Երևանի ավագանու քննող հանձնաժողովի հերթական նիստը:
Նիստի ընթացքում արձանագրվեց՝
1. Եթե նախկինում հայտարարվել էր շուրջ 40 օտարված մանկապարտեզի մասին, ապա հանձնաժողովի ուսումնասիրության արդյունքում դրանց թիվը հասել է շուրջ 100-ի։
2. Օտարված մանկապարտեզների բազմաթիվ բակային հատվածներում կառուցվել են պարսպապատ շքեղ առանձնատներ:
Կարդացեք նաև
3. Նոր-Նորք վարչական շրջանի մանկապարտեզների տարածքները կասկածելի ցածր արժեքներով վարձակալության են տրվել, ՀՀԿ, ՕԵԿ և ՀՅԴ կուսակցություններին՝ մասնավորապես՝ 2006-2007 թվականներին:
4. Երևանի քաղաքապետարանի ենթակայության գործող մարզադպրոցին պատկանող թենիսի 2 կորտերը՝ հյուրանոցային մեծ համալիր շոգեբաղնիք և մեծ բակային տարածքը, որոնք գտնվել են Հրազդանի կիրճում, (այժմ «Օրանժ» ակումբ) օտարվել է 2004 թվականին ընդամենը 20-25.000 ԱՄՆ դոլարով:
Ուսումնասիրությունները շարունակվում են…
