«Նրանք մի տեսակ ծուղակ ստեղծեցին, որը նախագահական պալատ ներխուժելն էր։ Այս ծուղակը նաև ինձ անհանգստացրեց, քանի որ այն ուղղակիորեն հարվածում է նախագահի լեգիտիմությանը, որը ժողովրդի աչքում իրական լեգիտիմությունն է»,- ինչպես հայտնում է Վրաստանի «Առաջին ալիք»-ը՝ այս մասին հայտարարել է Վրաստանի նախկին նախագահ Սալոմե Զուրաբիշվիլին։
Զուրաբիշվիլիի խոսքով՝ «ռուսական հատուկ գործողությունը ձախողվեց»։
«Պատահեց այն, որ ռուսական հատուկ գործողությունը ձախողվեց։ Բոլորն արդեն հասկացել են, որ սա իրական ռուսական հատուկ գործողություն էր, հոգեբանական հատուկ գործողություն, որը հիմնված էր բազմաթիվ տարբեր բաղադրիչների վրա, վաղուց պատրաստված, որը հիմնված է որոշակի անհույսության վրա, որը կարող էր կուտակվել։
Այս բողոքի ակցիայի մեջ կա նաև հոգնածություն, ամեն ինչ, ինչը շատ բնական է, և նրանք խաղացին դրա վրա, նրանք դրա համար մի տեսակ ծուղակ ստեղծեցին, որը նախագահական պալատը գրոհելն էր։
Կարդացեք նաև
Այս ծուղակը նաև ինձ անհանգստացրեց, քանի որ այն ուղղակիորեն հարվածում է նախագահի լեգիտիմությանը, որը մեզ իրականում մնացել է և որն է ժողովրդի աչքում իրական լեգիտիմությունը», – նշել է Սալոմե Զուրաբիշվիլին։
Հիշեցնենք՝ հոկտեմբերի 4-ին Վրաստանում տեղական ինքնակառավարման մարմինների ընտրություններ էին, որոնց մասնակցում էին 12 կուսակցություններ, նրանց թվում էին նաև ընդդիմադիր ուժեր, սակայն առաջատար ընդդիմադիր կուսակցությունները՝ «Հանուն փոփոխությունների կոալիցիան», «Միացյալ ազգային շարժումը», բոյկոտեցին ընտրությունները։
Ընդդիմությունը հայտարարել էր «կառավարության խաղաղ տապալման» ծրագրերի մասին։ Երկրի վարչապետ Իրակլի Կոբախիձեն ի պատասխան զգուշացրել է՝ «յուրաքանչյուր փոքրիկ անակնկալի» կպատասխանեն «մեծ անակնկալով»։
Հոկտեմբերի 4-ին Թբիլիսիի նախագահական նստավայրի մոտ՝ Օրբելիանի փողոցում, ընդդիմադիրների հավաքի ժամանակ իրավիճակը լարվեց: Ցուցարարները փորձել են մտնել նախագահական նստավայր, տեղում ցանկապատը կոտրվել է, հատուկջոկատայինները փորձում են նրանց դուրս մղել պղպեղի սփրեյի միջոցով:
Վրաստանում արդեն գրեթե մեկ տարի է, ինչ բողոքի ցույցեր են ընթանում. Թբիլիսիում խորհրդարանական վիճահարույց ընտրություններից հետո սկսված ցույցերը նոր թափ հավաքեցին, երբ վարչապետ Իրակլի Կոբախիձեն հայտարարեց, որ երկիրը մինչև 2028 թվականը դադարեցնում է Եվրամիությանն անդամակցելու շուրջ բանակցությունները։
