«Հանուն հավասար իրավունքների» կրթական կենտրոնի նախագահ, «Իմ քայլը» խմբակցության նախկին պատգամավոր Գայանե Աբրահամյանի ֆեյսբուքյան գրառումը
Այսօր մեկնարկեց ԵԱՀԿ մարդու իրավունքների խնդիրներին նվիրված լիագումար համաժողովը, որին առաջին ելույթս նվիրված էր Ադրբեջանում պահվող հայ գերիների եւ այլ պահվող անձանց, ինչպես նաեւ բռնի անհետացածների խնդրին։
Ակնկալելով, որ տասնյակից ավել ադրբեջանական իբրեւ ՀԿ-ները խոսելու են խաղաղությունից` ելույթիս վերջում շեշտեցի, որ իրական խաղաղություն ցանկացող պետությունը չի կարող գերիներ պահել որպես պատանդներ, խաղաղություն չի կարող լինել գերիների առկայությամբ։
Անասելի զավեշտալի է ադրբեջանական կազմակերպությունների որակը, երեւի հրատապ փորձել են գտնել իբրեւ ՀԿ-ների, բայց կան դեմքեր, որ անգամ ռուսերեն չեն կարողանում ելույթ ունենալ, չնայած հիմնական աշխատանքային լեզուն անգլերենն է, ակնհայտ է, որ Ադրբեջանի կառավարությունը հապշտապ անհասկանալի դեմքերի է ուղարկել համաժողովին, սա արդեն բավական խոսուն է։
