Գյումրու քաղաքապետ Վարդան Ղուկասյանն այսօր լրագրողների հետ հանդիպման ժամանակ խոսեց նաև վարչապետ Նիկոլ Փաշինյանի կողմից հոկտեմբերի 4-ին «Գյումրու օրը» չշնորհավորելու մասին։
«Նախ, qնքան ամոթ է, էնքան խայտառակ են, վարչապետը նմանատիպ մոտեցում ցուցաբերեր, որ քաղաքի տոնը գյումրեցիներին չշնորհավորեր, ի՞նչ ասեմ էդ մարդուն։
Այսինքն՝ ի՞նչ է նշանակում, որ Վարդան Ղուկասյանը դարձել է քաղաքապետ, դուք պիտի գյումրեցիներին չշնորհավորե՞ք։ Ասում ես՝ 15 հազար ձայն էլ ՔՊ-ն է հավաքել, դե դրանց գոնե շնորհավորեիր։
Այսինքն` դու էնպես տեղ գիտես, որտեղ ՔՊ-ական չկա՞, դու ապացուցում ես, հա՞, որ էստեղ կան ՔՊ-ականներ, նրանք են, որոնք պետական կառույցներում աշխատում են, իրենց աշխատանքի համար ամեն ինչ անում են։ Այսինքն` ժողովուրդը քո հետևից չի եկել, դրա համար չե՞ս շնորհավորում ժողովրդին։ Երևում է, ճանաչում ենք ժամ-ժամ, տեսնում ենք, հասկանում ենք, թե դուք ով եք։ Ճիշտն ասած՝ չգիտեինք, թե դու այդպիսին ես», -ասաց Վարդան Ղուկասյանը։
Կարդացեք նաև
Հարցին՝ հնարավո՞ր է իշխանությանը հունից հանել է այն փաստը, որ Սամվել Կարապետյանի ֆինանսավորմամբ էր նշվում տոնը, Վարդան Ղուկասյանը պատասխանեց․ «Իրենց հարցրու հնարավոր-մնարավորը, մի բան գիտեմ, որ ոչ վարչապետը, ոչ Ազգային ժողովի նախագահը, ոչ էլ Հայաստանի Հանրապետության նախագահը նմանատիպ ձևով մոտենալու իրավունք չունեն։ Ամոթ, ես ուղղակի ասում եմ՝ ամոթ ձեզ, էդքան բան»։
Նունե ԱՐԵՎՇԱՏՅԱՆ
