Այսօր կայացել է Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիբ Էրդողանի հեռախոսազրույցը։
Կրեմլի տարածած մամլո հաղորդագրության համաձայն՝ երկու երկրների նախագահներն «անդրադարձել են երկկողմ համագործակցության մի շարք խնդիրներին, ինչպես նաև մտքեր են փոխանակել Մերձավոր Արևելքում և Ուկրաինայում տիրող կացության շուրջ»։
Հեռախոսազրույցի ընթացքում Էրդողանը շնորհավորել է Պուտինին ծննդյան օրվա առթիվ և այդ կապակցությամբ իր ջերմ մաղթանքներն է հայտնել։
