Հոկտեմբերի 6-ին ՀՀ վճռաբեկ դատարանը հրապարակեց Իրանից Հայաստան ժամանած Հադի Գուլզոզիի գործով որոշումը:
Նա դիմել էր հայցով դատարան՝ ընդդեմ ՀՀ պետական եկամուտների կոմիտեի:
Պահանջել էր անվավեր ճանաչել 4 տարի առաջ իրավաբանական վարչության կողմից կայացված N.76 որոշումը:
ՀՀ վարչական դատարանը (դատավոր՝ Սոսյան) բավարարել էր հայցը:
Կարդացեք նաև
Վերաքննիչ վարչական դատարան դիմած կոմիտեի բողոքը նույնպես մերժվել էր, եւ կոմիտեն (ներկայացուցիչ Արման Մնացականյան) դիմել էր ՀՀ վճառաբեկ դատարանի քաղաքացիական եւ վարչական պալատ: Ըստ բողոքաբեր կողմի, դատարանները խախտել են ԵԱՏՄ օրենսգրքի կետերից մեկը, Վարչական իրավախախտումների վերաբերյալ ՀՀ օրենսգրքի 37-րդ հոդվածը:
Ըստ պատասխանողի`Մեղրիի մաքսային կետում հայցվորը չի կանգնեցրել մեքենան սահմանված վայրում, չի հայտարարագրել ապրանքը, փորձել է մեքենայում թաքցնել ադամանդների առկայության փաստը, դրսեւորել խուսափողական վարքագիծ:
Խոոսքը 2 պոլիէթիլենային տոպրակների մեջ թաքցրած 35 գ (404 հատ) ադամանդների մասին էր, 404 գ (1626 հատ):
Հադին հայտարարել էր, որ ադամանդներ են:
Իրանցու ներկայացուցիչն էր Նարեկ Եղիազարյանը: Հադին, ըստ ներկայացուցչի, այն պետք հանձներ Տիգրան Մեսրոպյանին:
Կոմիտեի կողմից նա ճանաչվել էր զանցառու, նշանակվել էր 6 .051.902 դրամի տուգանք:
Վճռաբեկը արձանագրել էր Հադիի ներկայացուցչի խոսքը` իր վստահորդը հայտնել է իր մոտ գտնվող գույքի մասին, սակայն մաքսավորները վերցրել են այն:
Իրարամերժ տվյալների հետ գործ ունենք:
Ըստ Վճռաբեկ դատարանի` իրարամերժ տվյալները հնարավորություն չեն տալիս ճշտել, թե արդյոք մաքսային տեսուչների կողմից, հայցվորին ուղվել է հայտարարագրման ենթակա աարանքներ ունենալու վերաբերյալ հարց, եւ արդյոք դրան ի պատասխան հայցվորը հայտնել է հայտարարագրման ենթակա ապրանքների բացակայության մասին: ՀՀ վճռաբեկ դատարանը գործն ուղարկել է նոր քննության`ՀՀ վարչական դատարան:
Ռուզան ՄԻՆԱՍՅԱՆ
Նկարը գեներացվել է արհեստական բանականության միջոցով:
«Առավոտ» օրաթերթ
10.10.2025
