Ermenihaber.am – Ադրբեջանի Գաբալա քաղաքում տեղի ունեցած «Թյուրքական պետությունների կազմակերպության» (ԹՊԿ-TDT) 12-րդ գագաթնաժողովի արդյունքներով Ադրբեջանի, Թուրքիայի, Ղրղզստանի, Ղազախստանի, Ուզբեկստանի ղեկավարները ստորագրել են Գաբալայի հռչակագիրը, որտեղ անդրադարձ կա այսպես կոչված «Զանգեզուրի միջանցքին»։
Հռչակագրի մեջ մասնավորապես նշվում է.
«Անդամ պետությունները հայտնում են իրենց աջակցությունը Զանգեզուրի միջանցքի շահագործման և զարգացման ուղղությամբ ձեռնարկվող շարունակական ջանքերին, վերահաստատում Բաքու-Թբիլիսի-Կարս երկաթգիծն առավելագույն ներուժով օգտագործելու իրենց հանձնառությունը և ընդգծում Անդրկասպյան միջազգային Արևելք-Արևմուտք-Միջին միջանցքի և Չինաստան-Ղրղզստան-Ուզբեկստան երկաթուղու կարևորությունը միջտարածաշրջանային կապի ամրապնդման և Եվրոպայի ու Ասիայի միջև առևտրային ուղիների դիվերսիֆիկացման գործում»։
