Նորվեգիայի Ֆյորդե քաղաքում ընթացող ծանրամարտի աշխարհի առաջնության եզրափակիչ օրը վերջինը մրցահարթակը տրամադրվեց տղամարդկանց գերծանր՝ +110 կգ քաշայիններին, որտեղ Հայաստանը ներկայացրեց օլիմպիական խաղերի արծաթե մեդալակիր, աշխարհի չեմպիոն, Եվրոպայի կրկնակի չեմպիոն, գյումրեցի Վարազդատ Լալայանը, որի հիմնական մրցակիցը նրա համաքաղաքացի Բահրեյնը ներկայացնող Գոռ Մինասյանն էր:
Մեր ծանրորդները աշխարհի այս առաջնությունում խիստ անհաջող էին հանդես գալիս: Անսովոր էր, որ թե տղաների, թե կանանց պայքարում Հայաստանը մինչեւ այսօր երկամարտի մեդալ չուներ: Խախտված ավանդույթը վերականգնեց Վարազդատ Լալայանը, որը պոկում վարժությունում 211, հրումում՝ 250 եւ երկամարտում 461 կիլոգրամով նվաճեց մեծ ու փոքր բոլոր ոսկե մեդալները եւ երկրորդ անգամ անընդմեջ հռչակվեց աշխարհի չեմպիոն:
Կարդացեք նաև
105+242=447 կիլոգրամ արդյունքով երեք արծաթի արժանացավ վերջին տարիներին Բահրեյնի դրոշի ներքո հանդես եկող Գոռ Մինասյանը:
Աշոտ ՀԱԿՈԲՅԱՆ
