Ֆուտբոլի աշխարհի առաջնության եվրոպական գոտու որակավորման փուլի երրորդ տուրում Հայաստանի ազգային հավաքականը Բուդապեշտի «Պուշկաշ Արենա» մարզադաշտում հյուրընկալվեց Հունգարիայի հավաքականին: Մինչ այդ ընտրանիները պաշտոնական հանդիպում միմյանց հետ չէին ունեցել: 2004 թվականին կայացել էր մեկ ընկերական խաղ, որում հաղթել էին հունգարացիները:
Առաջին խաղակեսում մեր ֆուտբոլիստները կարողացան անառիկ պահել դարպասը: Սակայն նույնը չես ասի երկրորդ խաղակեսի մասին: Գրեթե բոլոր ֆուտբոլիստների գործողություններում մի տեսակ խուճապ ու անկազմակերպվածություն, ու պաշտպանությունում կոպիտ սխալներ սկսեցին նկատվել, որոնցից մեկի արդյունքում էլ դաշտի տերերը բաց արեցին հաշիվը: Դրանից հետո էլ նույն սցենարը շարունակվեց, իսկ հանդիպման ավելացված ժամանակի վերջին րոպեին հերթական կոպիտ սխալից հետո հունգարացիները խփեցին երկրորդ՝ հաղթական գոլը:
Աշոտ ՀԱԿՈԲՅԱՆ
