Մարդու իրավունքների պաշտպանի աշխատակազմի ներկայացուցիչները հոկտեմբերի 2-ին հերթական մշտադիտարկման այցերն են իրականացրել ՀՀ Վայոց ձորի մարզի Եղեգնաձոր համայնքի «Եղեգնաձորի թիվ 1 հիմնական դպրոց» ՊՈԱԿ և ՀՀ Սյունիքի մարզի Սիսիան համայնքի Վաղատին գյուղի «Վաղատինի միջնակարգ դպրոց» ՊՈԱԿ՝ հաշմանդամություն ունեցող անձանց համար շենքային պայմանների մատչելիությունը դիտարկելու նպատակով։ ‼️
➡️ Այցերի ընթացքում արձանագրվել են հաշմանդամություն ունեցող անձանց համար մատչելիության ապահովման հետ կապված մի շարք համակարգային խնդիրներ, որոնք կամփոփվեն և կհասցեագրվեն իրավասու մարմիններին:
➡️ Եղեգնաձոր համայնքի «Եղեգնաձորի թիվ 1 հիմնական դպրոց» ՊՈԱԿ-ում, ի թիվս այլ հարցերի, սաներին ներկայացվել են Մարդու իրավունքների պաշտպանի լիազորությունների շրջանակն ու աշխատանքների հիմնական ուղղությունները, ՄԱԿ-ի «Երեխայի իրավունքների մասին» կոնվենցիայի մի շարք դրույթներ, քննարկվել են անհանդուրժողականության և խտրականության դեմ պայքարի, ինչպես նաև կրթության ներառականության ապահովման վերաբերյալ հարցեր և այլն:
➡️ ՄԻՊ աշխատակազմի փորձագետը երեխաներին ներկայացրել է Մարդու իրավունքների պաշտպանին դիմելու եղանակները։
Կարդացեք նաև
📌 Մարդու իրավունքների պաշտպանի և ՄԻՊ ներկայացուցիչների կողմից իրականացվող մշտադիտարկման այցերը կրում են շարունակական բնույթ:
Մարդու իրավունքների պաշտպան
