Փաստինֆո. Բյուրեղավանում խաղահրապարակում 6-ամյա երեխայի վրա կառուսելի ընկնելու դեպքի առթիվ քրեական վարույթ է նախաձեռնվել։
Հիշեցնենք, որ հոկտեմբերի 6-ին Բյուրեղավանի 1-ին Բ թաղամասի խաղահրապարակում դժբախտ դեպք է տեղի ունեցել․ մետաղական ծանր կոնստրուկցիան շուռ է եկել 6-ամյա երեխայի գլխին։ 6 օր շարունակ բժիշկները պայքարում էին փոքրիկի կյանքի համար, սակայն երեխան մահացել է։
ՔԿ-ից «Փաստինֆո»-ի հետ զրույցում ասաց, որ դեպքի առթիվ նախաձեռնվել է քրեական վարույթ՝ Քրեական օրենսգրքի 412-րդ հոդվածի 2-րդ մասի 2-րդ կետի հատկանիշներով (անվտանգության պահանջներին չհամապատասխանող հումքերի կամ ապրանքների շրջանառությունը, աշխատանքների կատարումը կամ ծառայությունների մատուցումը )։ Այս պահին դեռևս որևէ անձի նկատմամբ քրեական հետապնդում չի իրականացվում։
