«Քաղաքապետ Տիգրան Ավինյանի անգործությունն այն բանի դրսեւորումն է, որ ընտրությունների ժամանակ ՔՊ-ն գողացավ երեւանցիների ձայները: Երեւանցին քվեարկել էր մեկ ուրիշ ուժի օգտին, բայց գողացան մարդկանց ձայները, եւ քաղաքապետ դարձավ Տիգրան Ավինյանը»,-«Հայելի» ակումբում ասաց հանրային գործիչ, վավերագրող Հովհաննես Իշխանյանը:
«Եթե այս իշխանությունը եկել էր Արցախը հանձնելու, ամբողջ էներգիան, մտավոր ունակությունը զբաղված էր Արցախը հանձնելու թեմայով, բնականաբար այլ բանով չէին հասցնելու զբաղվել: Իրենց էներգիան միայն այդ ուղղությամբ պետք է ուղղեին, ո՞նց կարող էին համայնքային խնդիրներ լուծել: Իրենց էներգիան միայն բավարարում է Փարաքարի համայնքապետի դեմ ահաբեկչություն իրականացնելուն, որ կարողանան մնացած ընտրություններում էլի ձայներ գողանալ: Եթե նախկինում մենք գործ ունեինք ընտրակեղծարարության հետ, հիմա գործ ունենք ընտրագողության հետ»,-ասում է Հովհաննես Իշխանյանը:
Վավերագրողը նաեւ զգուշացնում է. «Եթե ՔՊ-ն հաղթի Վաղարշապատի ընտրություններում, հարված է լինելու մեր ինքնությանը, ամենայն հավանականությամբ նրանք ավելի մեծ թափով կփորձեն զավթել Վեհարանը»:
Գոհար ՀԱԿՈԲՅԱՆ
