Shamshyan.com-ի տեղեկություններով՝ Արամուսում ամուսիններին սպանած անձը ժամեր անց ևս 2 հոգու՝ հրազենի գործադրմամբ, սպանել է:
Կոտայքի մարզի Զովաշեն գյուղի դաշտամիջյան ճանապարհին նա կրակոցներ է արձակել Կոտայքի մարզի Զովունի բնակավայրում հաշվառված 46-ամյա Վահե Մարտիրոսյանի և Երևանում հաշվառված 44-ամյա Մարինե Հայրապետյանի ուղղությամբ: Նրանք տեղում մահացել են:
Գ. Շամշյանի տեղեկություններով՝ կասկածյալը Կոտայքի մարզի բնակիչ է: 61-ամյա տղամարդն իր զոհերի վրա կրակել էր իր անվամբ գրանցված որսորդական հրացանից:
Ինչպես ավելի վաղ դեպքի վայրից հայտնել էր shamshyan.com-ը՝ իրավապահները հայտնաբերել ու վնասազերծել էին Արամուս գյուղում ամուսիններին սպանելու մեջ կասկածվողին:
Կարդացեք նաև
Ըստ օպերատիվ տեղեկությունների՝ նա առավոտյան ինչ-որ հարցերի շուրջ վիճաբանություն է ունեցել ամուսինների հետ, որոնք նրա հարևաններն էին, այնուհետև տղամարդն իմացել է, որ ամուսինները տնից դուրս են եկել և գնացել են Արամուս գյուղի դաշտ՝ գազար հավաքելու, հրազենով զինված մոտեցել է նրանց, իր սև գործը կատարել, ապա դիմել փախուստի:
Լուսանկարը՝ Գագիկ Շամշյանի
Նյութն ամբողջությամբ՝ սկզբնաղբյուր կայքում:
