Ադրբեջանական լրատվականները սենսացիոն տեղեկություն են հայտնում: Բաքվի Սաբայլիի շրջանային դատարանը չորս ամսվա տնային կալանք է սահմանել Ադրբեջանի նախագահի աշխատակազմի նախկին ղեկավար Ռամիզ Մեհտիևի համար, որը մեղադրվում է հատկապես ծանր հանցագործություններ կատարելու մեջ։
Քննիչների տվյալներով՝ Մեհտիևը մեղադրվում է Քրեական օրենսգրքի 278-րդ (իշխանության բռնի զավթում կամ պահպանում), 274-րդ (պետական դավաճանություն) և 193-րդ (ձեռներեցական գործունեություն) հոդվածներով։
1995-ից մինչև 2019 թվականը Ռամիզ Մեհտիևը ղեկավարել է Ադրբեջանի նախագահի աշխատակազմը, իսկ ավելի ուշ՝ Ադրբեջանի գիտությունների ազգային ակադեմիան։
Հատկանշական է, որ ադրբեջանական լրատվականները նշում են, որ նա «Մոսկվայի մարդն» էր։
