«Մեզ տեղեկացրել էին, որ քննչական վարչությունում գտնվող հոգեւորականները ունեն վկայի կարգավիճակ, այս պահին արգելանքի տակ չեն գտնվում, նրանց ազատությունը սահմանափակված չէ, բայց տեսնում ենք, որ ավելի քան 2 ժամ է՝ հոգեւորականները դուրս չեն գալիս եւ չեն կարողանում ազատ տեղաշարժվել»,- լրագրողներին ասաց փաստաբան Մարինե Ֆարմանյանը։
Նա նշեց, որ փաստաբաններով փորձել են դիմում մուտքագրել՝ ստանձնելու Երեւանի քննչական վարչության շենքում գտնվող քահանաների պաշտպանությունը, բայց խոչընդոտի են հանդիպել։ «Մենք համապատասխան դիմումի հիման վրա ստանձնում ենք ներսում գտնվող հոգեւորականների շահերի պաշտպանությունը։ Դուռը ծեծեցինք, որպեսզի գրասենյակ մուտքագրենք այդ պրիմիտիվ դիմումը, նույնիսկ դա խոչընդոտ դարձավ, նախադեպը չունեցող իրավիճակ է»,- ասաց նա։
Կարդացեք նաև
Մանրամասները՝ տեսանյութում
Փաստաբան Արմինե Ֆանյանն էլ հավելեց՝ քանի որ բերման ենթարկված հոգեւորականների ազատ տեղաշարժն այս պահին սահմանափակված է, դա փաստում է այն մասին, որ նրանք ձերբակալված են փաստացի։
Հիշեցնենք, որ Արագածոտնի թեմի 6 հոգեւորականի եւ թեմի առաջնորդ Մկրտիչ Սրբազանին, ինչպես նաեւ աշխարհիկ աշխատակիցների բերման են ենթարկել նրանց բնակարանները խուզարկելուց հետո: Փաստաբանները դեռ չեն կարողանում պարզել Մկրտիչ սրբազանի գտնվելու վայրը։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
