Լրագրող Հակոբ Կարապետյանի ֆեյսբուքյան գրառումը
Վարչապետ Փաշինյանը առաջարկում է դասի ու գործի գնալ հեծանիվով։ «Դա ոչ միայն ամոթ չէ, այլև հարմար է, առողջ և հաճելի», – ասում է նա։
Իրականությունն այն է, որ Երեւանում ՀՆԱՐԱՎՈՐ ՉԷ դասի ու գործի գնալ հեծանիվով, եթե դու
ա) չունես թիկնազոր,
բ) չունես ուղեկցող ոստիկանական մեքենաներ, որոնք քո ճանապարհը կմաքրեն մեկ կիլոմետր շառավղով,
գ) տնից դուրս չես գալիս առավոտյան ժամը 6-ին։
Եթե էս պայմաններն ապահովված չեն, ապա հեծանվով երթեւեկության մեջ դուրս գալը ոչ միայն հարմար չէ, այլ բառացիորեն վտանգավոր է կյանքի ու առողջության համար։
Կարդացեք նաև
Եթե հիշում եք, հեծանվի օգտագործումը խթանելու համար վարչապետը վերջերս առաջարկում էր անտոկոս վարկ տրամադրել հեծանիվ գնելու համար։ Այսինքն, նա կարծում է, թե երեւանցիները հեծանվով գործի չեն գնում, որովհետեւ հեծանիվ գնելու համար 100-150 հազար դրամ չունեն։ Ահա թե ինչպիսի պատկերացումներ ունի երկրի ղեկավարը էս քաղաքի խնդիրների ու դրանց լուծման ու առհասարակ, կառավարման մասին։
Բայց դա կարեւոր չէ, կարեւորը, որ Փաշինյանի այս գրառումը արժանանա հարյուր հազարավոր սրտիկների ու ռեպոստերի ու որ համայն Եվրասիայի ֆոլովեռները իմանան, թե ինչքան քուլ ու մարդամոտ մարդ է թանկագին Նիկոլ Փաշինյանը։
