Խստագույնս դատապարտում ենք եկեղեցու նկատմամբ իրականացվող ցանկացած ոտնձգություն։
Սա ոչ միայն հարված է մեր ազգային և հոգևոր ինքնությանը, այլև ուղիղ սպառնալիք՝ Հայաստանի և ողջ հայ ժողովրդի ազգային անվտանգության համար։
Հայ եկեղեցին հազարամյակների ընթացքում եղել է մեր պետականության, մշակույթի և ինքնության հիմնական հենասյուներից մեկը, ու դրա հանդեպ հարձակումները նպատակ ունեն կտրել հայ ժողովրդին իր պատմական արմատներից և արժեհամակարգից։
Այդպիսի գործողությունները պետք է գնահատվեն որպես գոյաբանական հարված մեր պատմական շարունակականությանը, ինչը սպառնում է մեր գոյության հիմքերին։
Եկեղեցու և հայկական հոգևոր ժառանգության պաշտպանությունը պետական ու համազգային առաջնահերթություն է, և դրա նկատմամբ ցանկացած անտարբերություն կամ լռություն հավասարազոր է ինքնաոչնչացմանը։
«Ազգային» պատմամշակութային հասարակական կազմակերպություն
