«Սա անհատի հանրահավաք չէ, այլ մեկ գաղափարի շուրջ համախմբված մեր հայրենակիցների բողոքի ձայնն է»,- Ազատության հրապարակում «Մեր ձևով» ժողովրդական շարժման կողմից ի զորակցություն ապօրինի կալանավորված ազգային բարերար Սամվել Կարապետյանի, Սուրբ Եկեղեցու սրբազան հայրերի, բոլոր քաղբանտարկյալների կազմակերպված հանրահավաքի ժամանակ լրագրողների հետ զրույցում ասաց «Մեր ձևով» շարժման համակարգող խորհրդի անդամ Անդրանիկ Գևորգյանը։
Նա վստահեցրեց՝ եկել են ցույց տալու, որ հաշտ չեն նրա հետ, ինչ կատարվում է մեր երկրում․ «Ամեն առավոտ սկսում ենք նոր կալանավորումների և բռնությունների մասին տեղեկություններով, որը յուրաքանչյուր հայի համար ցավ է՝ հատկապես, երբ ազգային բարերարն է գտնվում կալանքի տակ, երբ քո ազգային արժեքները, քո սուրբ եկեղեցուն սկսում են ճնշել, անհիմն մեղադրանքների ենթարկել։ Բոլորիս պայքարն է սա, բոլորիս ձայնն է, բոլորիս համախմբվածությունն է, որ ցույց տանք՝ հաշտ չենք և պիտի պայքարենք մեր ձևով»։
Կարդացեք նաև
Տաթև ՀԱՐՈՒԹՅՈՒՆՅԱՆ
