«Եթե միավորվենք, կկարողանանք լուծել ոչ միայն Սամվել Կարապետյանի, այլև մյուսների հարցն էլ»,- Ազատության հրապարակում «Մեր ձևով» ժողովրդական շարժման կողմից ի զորակցություն ապօրինի կալանավորված ազգային բարերար Սամվել Կարապետյանի, Սուրբ Եկեղեցու սրբազան հայրերի, բոլոր քաղբանտարկյալների կազմակերպված հանրահավաքի ժամանակ լրագրողների հետ զրույցում ասաց հանրահավաքի մասնակիցներից մի 84-ամյա քաղաքացի։
Նշեց, որ թեև 84 տարեկան է, բայց առողջությունը թույլ է տալիս իրեն լինել այս պայքարի առաջին շարքերում։
Խոսելով կառավարությունը ձևավորած ՔՊ-ի մասին՝ ասաց․ «Իրենց կուսակցությունը ոչ թե «Քաղաքացիական պայմանագիր» է, այլ փողոցային պայմանագիր։ Նա փողոցից հավաքեց խաժամուժին և կազմեց կառավարություն, որի վերջն արդեն եկել է»։
Կարդացեք նաև
Հարցին՝ ի՞նչ կարծիք ունեք եկեղեցու դեմ իրականացվող արշավի հետ կապված, քաղաքացին ասաց․ «Սա հանցագործություն է հայ ժողովրդի հանդեպ, մեր ինքնությունը պաշտպանելու դեմ է»։
Տաթև ՀԱՐՈՒԹՅՈՒՆՅԱՆ
