«Ենթադրաբար, ԱԱԾ սպա Գևորիկը հանձնարարությունը լավ չի կատարել ու չի խոսում Տաշիրի բարբառով», – այս մասին ֆեյսբուքյան իր էջում գրում է «Մեր ձևով» համաժողովրդական շարժման մամուլի խոսնակ Մարիաննա Ղահրամանյանը՝ անդրադառնալով լուրերին, թե իբր «Մեր ձևով» շարժումը հանրահավաքին մարդկանց գումարով է տանում։
Հիշեցնենք, որ Փաշինյանի ընտանիքին պատկանող «Հայկական ժամանակ»-ը գրել էր, որ ձայնագրություն է տարածված, որով «Մեր ձևով» շարժումը հանրահավաքին մարդկանց, իբրև թե, գումարով է տանում։ «Հայկական ժամանակ»-ի հարցին ի պատասխան՝ ՆԳՆ ոստիկանությունից հայտնել են, որ հանցագործության մասին հաղորդում է ներկայացվել ՀՀ քննչական կոմիտե:
