Բաքվում գտնվող հայ գերիներին վերադարձնելու ամենաառաջին պայմանն այս իշխանությունների հեռացումն է․ դատարանի մոտ, լրագրողների հետ զրույցում ասաց ՀՀ երրորդ նախագահ Սերժ Սարգսյանը՝ պատասխանելով հարցին՝ ինչպե՞ս են ՀՀԿ-ում օգտագործում իրենց կապերը։
Սերժ Սարգսյանը մանրամասնեց՝ որքան էլ այդ հարցով ՀՀԿ-ում ունեն ցանկություն, կապեր եւ եվրոպական քաղաքական կուսակցությունների աջակցությունը, առանց իշխանությունների սատարման, գրեթե անհնար է այդ հարցի լուծումը։
Ամեն դեպքում, ըստ նրա, մինչեւ Բաքվում ընթացող շինծու դատավարությունը չավարտվի, մեր գերիների վերադարձն անհնար է։
Սերժ Սարգսյանը նաեւ հայտարարեց՝ իր անվերապահ աջակցությունն է հայտնում Ֆրանսիայի պաշտոնաթող նախագահ Նիկոլա Սարկոզիին, որին դատապարտել են ազատազրկման։
Կարդացեք նաև
«Նախագահ Սարկոզին մեծ վաստակ ունի հայ–ֆրանսիական հարաբերությունների զարգացման գործում։ Ես նրան երախտապարտ եմ, որպես Մինսկի խմբի համանախագահ դրած ջանքերի համար, որպեսզի Արցախի հարցը լուծվի Մադրիդյան սկզբունքների, այնուհետև հիմնարար սկզբունքների շրջանակում։ Ցավոք սրտի, ոչ նա, ոչ ես չհասցրեցինք իրականացնել դա»,–ասաց նա։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
