«Մենք ժողովրդի հետ միասին վեհարանը վերադարձնելու ենք վեհին: Այն մարդիկ, որոնք հոգեւորականության հետ որեւէ առնչություն չունեն, րոպե առաջ հեռանալու են եկեղեցուց: Առանց քաղաքական մոտիվների: Առաջիկայում պարզ կլինի՝ ով է վեհը»,- այսօր լրագրողների հետ զրույցում ասաց կարգալույծ եղած «տեր Արամի»՝ Ստեփան Ասատրյանի «պատարագին» մասնակցելու եկած ԱԺ ՔՊ-ական պատգամավոր Էմմա Պալյանը:
Նա հավելեց, որ իրենց վեհի թեկնածուն լինելու է այն մարդը, ով իրականում հոգեւոր արժեքներ է կրում:
Անդրադառնալով հարցին, թե ինչպես է մասնակցում կարգալույծ հռչակված հոգեւորականի «պատարագին»՝ Պալյանը ի պատասխան կրկնեց Փաշինյանի թեզերը՝ հպարտանալով, որ միշտ լսում է վարչապետին և ստորագրում նրա յուրաքանչյուր ասածի տակ. «Ո՞վ է կարգալույծ արել էս մարդուն, կարգալույծ արված մարդը չի կարող որևէ մեկին կարգալույծ անել»:
Կարդացեք նաև
Լրագրողների հաջորդ հարցին, թե այդ դեպքում կարգալույծ արվածը ո՞նց է օծել Տեր Արամին, ի պատասխան նա ասաց. «Ընթացքում փաստեր են ի հայտ եկել, հանգամանքներ են պարզվել: Փաստը մնում է փաստ, որ կաթողիկոս կոչեցյալը, ձեր վեհափառ կոչած անձը բացարձակապես կապ չունի հոգևորականության հետ: Արդյո՞ք կաթողիկոսն ունի զավակ, թե՞ ոչ, ինչի մասին մենք հաճախ խոսում ենք: Կաթողիկոսը չի հերքել, դա անհերքելի փաստ է: ՀՀ քաղաքացին փորձելու է եկեղեցին ազատել նմանատիպ մարդկանցից»:
Էկոնոմիկայի Նախարար Գեւորգ Պապոյանն էլ ՔՊ-ականների նույն համոզմանն էր. «Իսկ ո՞վ է ասել, որ կարգալույծ է արվել: Հայ Առաքելական եկեղեցու կանոնագրքով նախատեսված բազմաթիվ կանոններ խախտած ու սրբապղծություններ իրականացրած մարդկանց որոշումներն ինձ համար որեւէ արժեք չունեն»:
The Hovhannavanq Church in Aragatsotn Province. Armenia
Գեւորգ Պապոյանը իր ղեկավարի պես սրտիկներ շռայլեց ու մտավ եկեղեցի:
Արփինե ՍԻՄՈՆՅԱՆ
