Փաստաբան Արա Զոհրաբյանին, Տեր Շնորհք աբեղային թույլ չեն տվել գնալ Հովհաննավանք։ «Մեր մեքենան ի սկզբանե էստեղ չթողեցին մտնի, ոտքով եկանք, հասանք և ոստիկանները, բնակիչների հետ համատեղ ուժերով խոչընդոտեցին մեր մուտքը»,-լրագրողների հետ զրույցում այսօր ասաց փաստաբան Արա Զոհրաբյանը։
Նրա պատմելով՝ առավոտից բոլոր քահանաների մոտ ոստիկանական վերակարգեր են նկատվել: Հետեւել են՝ ուր են գնում, մի երկու քահանայի նույնիսկ բռնել են, երբ համոզվել են, որ Հովհաննավանք չեն գալիս, բաց են թողել:
Նա հիշեցրեց, որ երեկ մարզի մի շարք քահանաներին վկաների ծանուցագրեր էին ուղարկել, որ այսօր ժամը 9:00-ին հրավիրեին Երևան քննչական մարմին. «Քահանաները դա գնահատեցին, որ հատուկ է արվում, որ Արագածոտնի մարզում պատարագներ չկատարվեն ու Հովհաննավանքում իրենք կարողանան անխոչընդոտ պատարագ անցկացնել եւ իրավասու քահանա չգա պատարագ անելու»:
Փաստաբանի խոսքով՝ ծեսի կատարմանը խոչընդոտելը հանցագործություն է, իսկ պետական իշխանությունը բարձր մակարդակով այսօր խոչընդոտեց:
Կարդացեք նաև
Արփինե ՍԻՄՈՆՅԱՆ
