«Անընդհատ պիտի ասենք՝ խաղաղությունը ՀՀ-ի և Ադրբեջանի միջև հաստատված փաստ է։ Եվ մենք պետք է նաև հարաբերվենք այն իրավիճակի հետ, որ խաղաղությունը մեզ համար անծանոթ երևույթ է։ ՀՀ-ին ծանոթ չէ, թե ինչ է նշանակում խաղաղություն, քանի որ իր Անկախության առաջին օրից Հայաստանը եղել է կոնֆլիկտի մեջ, նույնիսկ անկախությանը նախորդող ժամանակաշրջանում մենք ապրել ենք կոնֆլիկտային միջավայրում։
Ունենալ խաղաղության պայմաններում համարժեք ընկալում և մտածողության ձևեր, դա պարզ խնդիր չէ, մենք պետք է շատ ուշադիր լինենք այդ խնդիրը լուծելու համար»,- ԱԺ-ում ՀՀ 2026 թվականի բյուջեի ծրագրի ներկայացման ժամանակ հայտարարեց ՀՀ վարչապետ Նիկոլ Փաշինյանը։
Այնուհետև խոսելով 2026-ի խորհրդարանական ընտրությունների մասին՝ ասաց․ «2026-ի ընտրություններն ունեն մի առանցքային հարց, որի պատասխանը պետք է տրվի։ ՀՀ ժողովուրդն իր ընտրությամբ պետք է տեր կանգնի խաղաղությանը․ հակառակը ետ գլորելն է կոնֆլիկտի և ֆորպոստի տրամաբանության մեջ։ Տեր կանգնելով խաղաղությանը՝ ժողովուրդը տեր կկանգնի անկախության նորընծա մակարդակին, իր ինքնիշխանությանը, իր պետությանը»։
Կարդացեք նաև
Հիշեցնելով 2021-ի խորհրդարանական ընտրությունների ժամանակ իրենց կարգախոսը՝ Նիկոլ Փաշինյանն ասաց․ «2021-ին ընտրություններին մենք «Ապագա կա» կարգախոսով մասնակցեցինք։ Այսօր ապրում ենք այդ ապագայի մեջ, էս է էդ ապագան, որի մասին մենք խոսում էինք»։
Պետական բյուջեի քննարկումն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
