Ադրբեջանի Միլլի Մեջլիսի պատվիրակությունը չի մասնակցի «Եվրանեսթ» խորհրդարանական վեհաժողովի 12-րդ լիագումար նստաշրջանին, տեղի կունենա հոկտեմբերի 28-ից 30-ը Երևանում։ Այս մասին APA-ին հայտնել է Եվրանեսթում ադրբեջանական պատվիրակության ղեկավար Թահիր Միրկիշիլին։
Նրա խոսքով՝ Եվրախորհրդարանի փաստաթղթերն ու հայտարարությունները, որոնք Եվրանեսթ ԽՎ-ի գործունեության կեսն են կազմում, հակասում են Ադրբեջանի ինքնիշխանությանը և տարածքային ամբողջականությանը:
«Այս հայտարարությունները նաև չեն աջակցում տարածաշրջանում Ադրբեջանի և Հայաստանի միջև խաղաղության գործընթացին։ Ընդհակառակը, դրանք օգտակար են տարածաշրջանում թշնամանքի շարունակմամբ շահագրգռված ուժերի համար։ Միլի Մեջլիսը բազմիցս բողոքել է դրա դեմ», – նշել է Եվրանեսթում ադրբեջանական պատվիրակության ղեկավարը։
Ըստ նրա՝ «Վաշինգտոնում Ադրբեջանի նախագահի և Հայաստանի վարչապետի միջև կայացած խաղաղության հանդիպումից հետո Եվրախորհրդարանի ոչ կառուցողական հայտարարությունը, որը դրականորեն ընդունվեց ամբողջ աշխարհում, կրկին խաթարեց ադրբեջանական պատվիրակության վստահությունը Եվրանեսթի ԽՎ-ի շրջանակներում այս կազմակերպության հետ համագործակցության առավելությունների նկատմամբ։
Կարդացեք նաև
Այս պատճառներով մենք չենք մասնակցի Երևանում կայանալիք լիագումար նիստին։ Մենք նաև մեր առարկությունները փոխանցել ենք կազմակերպության ղեկավարությանը»։
Միրկիշիլին ընդգծել է. «Ցանկանում եմ նշել, որ այս որոշումը կապված չէ այն փաստի հետ, որ միջոցառումը անցկացվում է Հայաստանում։ Այսօր Ադրբեջանի և Հայաստանի միջև խաղաղությունն արդեն իսկ ապահովված է, և գործնական քայլեր են ձեռնարկվում հարաբերությունների կարգավորման ուղղությամբ»:
