«Պահպանություն իրականացնող ուժային կառույցների գործողությունները չեմ մեկնաբանում։ Կադրերը տեսել եմ, այո․․․ եւ այդքանը»,-սա Տարածքային կառավարման եւ ենթակառուցվածքների նախարար Դավիթ Խուդաթյանի պատասխանն է լրագրողի հարցին՝ ինչպե՞ս է վերաբերվում նրան, որ Հովհաննավանքում ՊՊԾ աշխատակիցները քաղաքացու բերանը փակեցին եւ ուժով նրան դուրս հանեցին եկեղեցուց։
Լրագրողներից մեկի դիտարկմանը, որ հայաստանյան իշխանությունն իրեն ժողովրդավար է հռչակել՝ արդյոք սա նկատի ունեն, Դավիթ Խուդաթյանը արձագանքեց․ «Ժողովրդավարական իշխանության ներկայացուցիչը ձեզ ասում է, որ ինքը չի կարող մեկնաբանել պահպանություն իրականացնող կառույցի գործողությունները»։
Դավիթ Խուդաթյանը Հովհաննավանքում չի եղել, Վաղարշապատում, Արգիշտի Մեխակյանի քարոզարշավին է մասնակցել։ Պնդում է՝ վաղ-նախընտրական քարոզարշավ չեն սկսել, մեկ օր առաջ եղած եւ աղմուկ հանած միջոցառումը ամենամյա է, դրան մասնակցել են նաեւ գյուղից այլ քաղաքական ուժերի ներկայացուցիչներ, միջոցառումը կազմակերպող բարերարը դա անում է ավանդաբար, այդ միջոցառման ժամանակ քաղաքական կոչեր, ընտրություններին վերաբերվող հարցեր չեն քննարկվել։ Առհասարակ, նա պնդեց, որ Վաղարշապատում իրենց բոլոր գործողությունները օրենքից են բխում։
Կարդացեք նաև
«Դատապարտում եմ ցանկացած մարդու անձնական կյանքին վերաբերող ինֆորմացիայի ստացումը եւ հրապարակումը՝ լինի այդ մարդը հոգեւորական, ուժային կառույցի ներկայացուցիչ, ՀՀ-ում բիզնեսով զբաղվող մարդ, թե գյուղատնտեսությամբ զբաղվող ցանկացած քաղաքացի»,- ասաց Դավիթ Խուդաթյանը՝ պատասխանելով համացանցում տարածված՝ Մայր Աթոռի դիվանապետին վերագրվող անձնական բնույթի տեսանյութին վերաբերող հարցին։ Նա ուշադրություն հրավիրեց այն հանգամանքին, որ ՔՊ-ականներից շատերն են դատապարտել դա։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
