«Քաղաքացիական պայմանագիր» կուսակցությունը՝ Արգիշտի Մեխակյանի գլխավորությամբ, ընտրություններին գնում է բացարձակ մեծամասնության քվեն ստանալու՝ 50+1 տոկոս ձայներ ապահովելու ուղղությամբ եւ մեզ համար «Գյումրի 2» Վաղարշապատում բացառվում է, եթե նկատի ունեն՝ ընտրությունները փաստացի պարտվելով՝ 2-րդ, 3-րդ, 4-րդ, 5-րդ տեղ զբաղեցնելով, ձայներն իրար գումարելով Գյումրիում իշխանություն ստանալը եւ հետո այդ իշխանության գլխին այպիսի փորձանք բերելը, ինչպիսին Գյումրիի քաղաքապետը բերեց Գյումրիի գլխին»,- խորհրդարանում լրագրողների հետ զրույցում ասաց Տարածքային կառավարման եւ ենթակառուցվածքների նախարար Դավիթ Խուդաթյանը՝ խոսելով Վաղարշապատում կայանալիք ընտրությունների մասին։
Նա նկատեց՝ Վաղարշապատում եւ Խոյում ՔՊ-թիմը մշտապես հաղթել է եւ Արգիշտի Մեխակյանի գլխավորությամբ։ Հիշեց, որ 2018-ին, նա այդ տարածքում ռեյտինգային ընտրակարգով ամենաշատ ձայներն էր ստացել եւ հեգնեց՝ ի տարբերություն ընդդիմության թեկնածուների, որոնք 2018-ին էլ, 2012-ին էլ ասում էին՝ «հաղթելու ենք» եւ պարտվեցին։
«Ընդդիմությունը Վաղարշապատի ընտրությունները պարտվելու օլիմպիական չեմպիոն է»,- կարծում է Դավիթ Խուդաթյանը՝ հավելելով, ընդդիմությանը այս ընտրություններում օլիմպիական հնգակի չեմպիոն դառնալու հնարավորություն են տալու։
Մասիսի քաղաքապետ Դավիթ Համբարձումյանին կալանավորելու մտադրությունն արդյոք ընդդիմադիր համայնքապետերին չեզոքացնելու քայլ չէ՝ հարցին էլ Դավիթ Խուդաթյանը պատասխանեց՝ ոչ, կար հարուցված քրեական գործ, որով որոշում է կայացվել, բայց գործի մանրամասներին ինքը տեղյակ չէ․ «Ոչ, սա քաղաքական հետապնդում չի եւ սրա մասին առնվազն փաստեր կան»։
Կարդացեք նաև
Նա իշխանության կողմից Վաղարշապատում ընթացող բյուջետային ծրագրերի առաջ բերումն էլ վարչական ռեսուրսի կիրառում չի համարում։
Մանրամասները՝ տեսանյութում
Նելլի ԳՐԻԳՈՐՅԱՆ
Լուսանկարը՝ Դավիթ Խուդաթյանի ֆեյսբուքյան էջից
