«Արթուն ենք» շարժման գործիչ Էդգար Ղազարյանը քաղաքացիների ընդունելության շրջանակներում այսօր պետք է հանդիպեր ԱԺ առողջապահության հարցերի մշտական հանձնաժողովի հետ: Քաղաքացիների հետ հանդիպումն այս անգամ պետք է անցկացներ ԱԺ ՔՊ խմբակցության պատգամավոր Դավիթ Կարապետյանը, որը 2024 թվականին է պատգամավորական մանդատ ստացել, իսկ դրանից առաջ եղել է Երեւանի Մալաթիա-Սեբաստիա վարչական շրջանի ղեկավարը: Սակայն նա մեծամասնության ձեւավորած «ավանդույթի» համաձայն՝ միայն Էդգար Ղազարյանին նպատակահարմար չհամարեց ընդունել:
Այս առիթով Էդգար Ղազարյանը լրագրողներին ասաց. «Մայիս-հունիս, սեպտեմբեր-հոկտեմբեր: Ես չորս ամիս ԱԺ բոլոր հանձնաժողովների, ինչպես նաեւ ԱԺ երկու փոխնախագահների ընդունելություններին եմ գրանցվել: Դժվարանում եմ ասել, թե արդեն քանի ընդունելություն չի կայացել: Իմ հաշվումներով՝ արդեն մոտ 30 հաղորդում եմ ներկայացրել հանցագործության մասին, որով անցնում են ԱԺ ՔՊ խմբակցության 25 պատգամավորներ: Բայց վարույթներ չեն նախաձեռնում՝ ոչ մի հիմնավորում չունենալով: Քննիչը քրեական դատավարության օրենսգրքից մի քանի հոդված է արտագրում գրության մեջ եւ ասում, որ նպատակահարմար չի համարում վարույթ նախաձեռնել: Ես դրանք բողոքարկում եմ»:
Նա նաեւ նշեց, որ մի դեպք կա, որ բողոքարկումը հասել է դատարան, դատարանը նախաքննական մարմնին պարտավորեցրել է վարույթ նախաձեռնել. «Նրանք նախաձեռնել են եւ շատ կարճ ժամանակ հետո վարույթային գործողություններ իրականացնելու իմ բոլոր միջնորդությունները մերժում են եւ ազդարարում վարույթն ավարտելու մասին»:
«Ես դրանք բողոքարկում եմ, հիմա դատական պրոցեսների մեջ եմ, եւ իրավական պրոցեսի փաստաթղթերի մի ամբողջ արկղ է առաջացել: Ինձ ժամանակ է պետք իրավական գործընթացներին ուշադրություն դարձնելու համար: Հավանաբար, հաջորդ ամիսներին կգրանցվեմ միայն ԱԺ փոխնախագահների՝ Հակոբ Արշակյանի եւ Ռուբեն Ռուբինյանի մոտ ընդունելություններին:
Կարդացեք նաև
ԱԺ նախագահի ընդունելություն ուղղակի չկա: Քաղաքացիների ամեն ամսվա ընդունելության նախաձեռնությունը ԱԺ-ինն է, իսկ ընդունելության պաշտոնյաների ցանկի մեջ ԱԺ նախագահը չկա: Կարծում եմ, որ կարելի է նաեւ իրեն դիմել եւ որպես ԱԺ նախագահի տեղյակ պահել, թե ինչ է կատարվում Ազգային Ժողովում»,- ասաց Էդգար Ղազարյանը լրագրողներին:
Աշոտ ՀԱԿՈԲՅԱՆ
ԿԵՑՑԵ՛Ս,
Հուսանք, որ մինչև ընտրություններ կհասցնես հաղորդումներ ներկայացնել մնացած բոլորի մասին, որ ոչ ոք չպլստա․․․
իսկ ընտրություններից հետո ամեն բան կվերսկսվի նորից։