«Աշխարհի առաջնությունում ես իմ ցատկը կատարեցի ամենալավ ձեւով: Եվրոպայի առաջնությունում էլ նույն կերպ էի արել: Կանգնել ու քայլ չէի արել: Բայց աշխարհի առաջնությունում ավելի մաքուր կատարեցի: Մարզիչները գոհ են արդյունքից: Ես էլ եմ գոհ, որովհետեւ արեցի առավելագույնը: Արդյունքի հետ կապված ինչ-որ չափով համաձայն եմ, որովհետեւ ֆիլիպինցին լավ կատարեց ու նրա վարժությունը 0,4-ով ավելի բարդ էր: Կարող էի ես հաղթել, բայց մրցավարներն այդպես որոշեցին: Կարեւորն ինձ համար այն է, որ ես իմ անելիքը լավ արեցի: Ամեն դեպքում ուրախ եմ այս մեդալի համար. մարզվել ենք, տանջվել ու արդյունքի ինչ-որ չափով հասանք»,-գնահատելով Ջակարտայում անցկացված աշխարհի առաջնությունում իր մասնակցության արդյունքները՝ ասաց օլիմպիական արծաթե եւ բրոնզե մեդալակիր, Աշխարհի չեմպիոն ու արծաթե մեդալակիր, Եվրոպայի չեմպիոն, հենացատկորդ Արթուր Դավթյանը:
«Առաջին աշխարհի առաջնությունն էր մեծահասակների կազմում:
Լարվածությունը, պատասխանատվությունը մեծ էր, մրցակցությունը՝ լարված: Բայց լավ էինք պատրաստվել: Փորձեցինք մեր առավելագույնը ներդնել, որպեսզի մեր մարզիչները մեզանից գոհ լինեին»,-ասաց նժույգ թափերում արդեն աշխարհի փոխչեմպիոն Մամիկոն Խաչատրյանը:
Կարդացեք նաև
Աշոտ ՀԱԿՈԲՅԱՆ
