Հակակոռուպցիոն դատարանում ընթանում է ԱԺ նախկին նախագահ Հովիկ Աբրահամյանի գործով դատական հերթական նիստը։
ArmLur-ը Հակակոռուպցիոն դատարանի բակում զրուցել է ԱԺ նախկին նախագահ Հովիկ Աբրահամյանի հետ: Վերջինս նշեց, որ չի ընդունում մեղադրանքները, հերքեց, որ 2023 թվականին պետությանը վերադարձված Մարմարիկի ջրամբարի մոտ անտառն ինքն է սեփականաշնորհել։
«Չկա նման բան, իրականության հետ աղերս չունի այն, ինչի մասին իրենք խոսում են. փողերի լվացման հարցին դեռ չենք հասել, թեև նման հոդված կա», – լրագրողների հետ զրույցում նշել է Հովիկ Աբրահամյանը, հայտնում է News.am-ը։
Դիտարկմանը, որ Սամվել Կարապետյանն իր ընտանիքի քավորն է, բայց ինքը որեւէ անգամ չի մասնակցել հաջակցություն Սամվել Կարապետյանի հանրահավաքներին, նա ասաց. «Սամվել Կարապետյանի մասնակցությունը մեր երկրի կայացման գործում անգնահատելի է, բազմաթիվ հարցերով մեր երկրի անկախության օրից սկսած, տնտեսության կայացմանը ինքն իր նպաստը բերել է։ Ինչ վերաբերում է գնալուն, օգնելուն, դա կլինի՞, որ իմ անձնական հարցը մնա։
Կարդացեք նաև
Սամվել Կարապետյանը մեր ընտանիքի քավորն է, քավորությունը սրբություն է։ Ես ասել եմ, որ յուրաքանչյուր ապօրինի գործունեություն ժամանակին քննադատվելու է և պատժվելու է»։
