-Արժանապատվություն, ղեկավարման ձիրք ունեցող ղեկավարն այս իշխանությունների համար իրենից վտանգ է ներկայացնում ցանկացած գործընթացի ժամանակ: Լինի դա անհամաձայնություն իշխանություններին, թե ընտրությունների մասնակցություն,- Մասիսի քաղաքապետ Դավիթ Համբարձումյանի կալանքին անդրադառնալով՝ լրագրողների հետ զրույցում այսօր ասաց Արցախի ԱԺ պատգամավոր Մետաքսե Հակոբյանը:
Ըստ արցախցի պատգամավորի՝ Դավիթ Համբարձումյանի համար Արցախի հարցը երբեւէ չի կարող փակ լինել, լինի ազատության, թե անազատության մեջ. «Ինքը պայքարելու է Արցախ վերադառնալու իրավունքի համար: Սա ավելի բարձր արժեք է քան մարդկային ապրումակցումը, որը տեղի ունեցավ»:
Մետաքսե Հակոբյանը անդրադարձավ նաեւ Բագրատ սրբազանի եւ մյուսների գործով մի շարք մեղադրյալների առողջական խնդիրներին եւ դրան ոչ համարժեք կիրառված խափանման միջոցներին եւ նկատեց, որ Հայաստանում հենց դատավարական գործընթացներով այս իշխանությունները սպանել են ընդդիմախոսների. «Գեներալ Մանվել, Արմեն Գրիգորյան… մարդկանց հասցրել ծայրահեղ վիճակի, միգուցե անբուժելի առողջական խնդիրների առաջ են կանգնեցրել շատերին: Դա չի արվել պատահաբար կամ տգիտությունից, դա արվում է դիտավորությամբ»:
Կարդացեք նաև
Արփինե ՍԻՄՈՆՅԱՆ
