Հանքարդյունաբերության ոլորտի փորձագետ, «Մեր ձեւով» շարժման անդամ Աշոտ Ֆարսյանը գրում է.
«Այսօր ՀՀ Էկոնոմիկայի նախարարը կատարել է մի գրառում, որտեղից եթե հանենք «Пролетарии всех стран и народов соединяйтесь» կտորը, տակը կմնա հետևյալը՝ պետության կողմից դպրոց կառուցելը լավ է, գործարանը պետության գործը չէ։
Որպես արձագանք․
- Նախ մեր ասածները մի պրիմիտիվացրեք, մենք չենք խոսում խորհրդային նոստալգիայի հիման վրա գործարանների կառուցումից, մենք խոսում ենք ժամանակակից ներդրումներից, հագեցած ժամանակակից սարքավորումներով և տեխնոլոգիաներով, կլինի գործարան, դատա կենտրոն, թե ջերմոց։
- Երկրորդ, կարծում եմ շատ եք կենտրոնացել գործարան բառի վրա, մենք այլ առաջարկներ էլ ենք կատարել այլ ոլորտների մասին, մի քիչ էլ դրանցից խոսեք։
- Երրորդ, ցավոք սրտի Հայաստանը փոքր երկիր է, փոքր ոչ գնողունակ շուկայով, և մրցունակ լինելու համար անհրաժեշտ է ձևավորել խոշոր կապիտալ, որովհետև միայն այդ ճանապարհով է հնարավոր արտահանման շուկաներ մրցունակ ապրանքներ և ծառայություններ մատակարարել, իսկ մեր երկրում ցավոք խոշոր կապիտալ չի ձևավորվում, նաև այն պատճառով, որ սեփականության իրավունքը պաշտպանված չէ։
- Ամենակարևորը՝ Հայաստանի տնտեսական զարգացման նպատակին հասնելու համար, եթե պարզվի, որ Հայաստանի տնտեսական շահը պահանջում է, որ պետությունը անմիջապես և ուղղակիորեն մասնակցի ներդրումների ձևավորմանը, օրինակ պետություն-մասնավոր ձևաչափով, ապա ԱՅՈ՛ մենք կգնանք այդ քայլին։
Եվ ի վերջո, կարո՞ղ եք մի քիչ էլ ձեր առաջարկներից խոսեք, հասկանանք դուք ինչ եք առաջարկում մեր հանրությանը, բացի տրաֆարետային-ցուցադրական լուծումներից»։
Կարդացեք նաև
