Aravot.am-ը Հանրային հեռուստաընկերության գործադիր տնօրեն Հովհաննես Մովսիսյանի անունով գրավոր հարցում էր ուղարկել:
Գրել էինք, որ «ՆԺԱՐ» սահմանադրական շարժումը նախաձեռնել է քննարկում Հանրային հեռուստաընկերությունը հանրությանը վերադարձնելու օրակարգով: Քննարկման մասնակիցները նշել էին, որ Հանրայինը սպասարկում է ոչ թե հանրության, այլ իշխող ուժի շահերը, լուսաբանումներն օբյեկտիվ չեն, հարցազրուցավարների հարցերն ուղղորդող են, Հանրայինը օրենքով պարտավոր է ապահովել բազմակարծություն, սակայն շարունակում է մնալ իշխանության քարոզչության գործիք:
Հովհաննես Մովսիսյանից հետաքրքրվել էինք՝ ի՞նչ կարծիքի է «ՆԺԱՐ» սահմանադրական շարժման նախաձեռնության եւ Հանրայինի վերաբերյալ քննարկման մասնակիցների հնչեցրած պնդումների մասին, արդյոք հարկատուների վճարած հարկերով ապրող Հանրայինը կարողանո՞ւմ է ապահովել բազմակարծություն, անաչառ լուսաբանում, Հանրայինում կա՞ն տաբուներ՝ անձանց եւ թեմաների լուսաբանման առումով:
Հանրային հեռուստաընկերության հանրային կապերի եւ թվային հաղորդակցության ծառայության ղեկավար Լուսինե Թորոսյանն է պատասխանել Aravot.am-ը նամակին, որտեղ մասնավորապես նշված է. «Ձեր նշած քննարկումից տեղյակ չենք եւ հրավիրված չենք եղել նման քննարկման: Հարցման մեջ նշված գնահատականներին կարող ենք անդրադառնալ կոնկրետ փաստերի ներկայացման դեպքում: Մնացած այլ դեպքերում ՀՀ յուրաքանչյուր քաղաքացի կարող է ունենալ իր սեփական գնահատականը՝ իր հանրային հեռարձակողի մասին»:
Կարդացեք նաև
Գոհար ՀԱԿՈԲՅԱՆ
