2025 թվականի սեպտեմբերի արդյունքներով 2118 ուսուցիչ ստանում է 300-400 հազար դրամ վարձատրություն, 863 ուսուցիչ ստանում է 400-500 հազար դրամ վարձատրություն, 109 ուսուցիչ՝ 500-600, 22 ուսուցիչ՝ 600-700 հազար դրամ եւ երկու ուսուցիչ՝ 700 հազար դրամ եւ ավելի վարձատրություն․ այս մասին կառավարության նիստում հայտարարեց Նիկոլ Փաշինյանը։ Նա ԿԳՄՍ նախարարից հետաքրքրվեց՝ այս աշխատավարձը ստանալու գործընթացում կա՞ն բաներ, որոնք միայն այդ երկու ուսուցչին են հասանելի, թե հնարավոր է բոլորն էլ ստանան այս վարձատրությունը։
«Բնականաբար, ինչը իրենք անում են եւ ստանում են, հասանելի է բոլորին»,- ասաց Նիկոլ Փաշինյանը։
Նա խոսեց նաեւ շարքային զինծառայողների աշխատավարձերի մասին։ Երեկ հայտարարել էր, որ 2025-ի Հայաստանում շարքային պայմանագրային զինծառայողը 700 հազար դրամ է վարձատրվում։ Այսօր հստակեցրեց՝ նման վարձատրություն ստացողները 31-ն են։
Հիշեցնենք, երեկ ԱԺ «Պատիվ ունեմ» խմբակցության պատգամավոր Տիգրան Աբրահամյանը «մանիպուլյացիա» էր որակել Նիկոլ Փաշինյանի հայտարարությունը, որով հնարավորը ներկայացվում է փաստ։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
