«Պետք է սպասենք Հանրային ծառայությունները կարգավորող հանձնաժողովի որոշմանը, դրանից հետո մեր մոտեցումները ձեւակերպենք»,- կառավարության նիստից հետո, լրագրողների հետ ճեպազրույցում ասաց Նիկոլ Փաշինյանը՝ պատասխանելով հարցին՝ կառավարությունը պատրաստվո՞ւմ է գնել ՀԷՑ-ը սեփականատիրոջից։
ՔՊ համաժողովում ՀԷՑ-ի մասով Նիկոլ Փաշինյանը երկու սցենար է նշել։ Ասաց՝ դրանք մնում են ուժի մեջ։
«ՀԾԿՀ-ի որոշումը կամ հնարավոր, կամ էլ անհնար է դարձնելու մեր մտածած սցենարները, կամ էլ դրանց վրա որոշակի ազդեցություն է ունենալու։ Որոշումից հետո նոր կկենտրոնացնենք։ Հարց է նաեւ ծագում, թե ինչքա՞ն է լինելու գինը, իսկ գինը պետք է որոշվի համակողմանի վերլուծության արդյունքում։ Եթե դա կլինի տրամաբանական գին, ես ասել եմ, որ կառավարությունը շատ լրջորեն կքննարկի։ Եթե շատ մեծ կլինի գինը եւ ակնհայտ կլինի, որ պետական միջոցներով չենք կարողանալու դա իրականացնել, կգնանք երկրորդ սցենարով»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
