Սպորտի կառավարման կենտրոնում՝ նախկին «Միկա» մարզահամալիրում, այսօր ժամը 14:00-ին կմեկնարկեն բռնցքամարտի 23 տարեկան աղջիկների Եվրոպայի առաջնության եզրափակիչ մենամարտերը:
Հայաստանն այստեղ ունի չորս մասնակից, որոնք կմենամարտեն չեմպիոնի կոչման համար: Նրանք են. 52 կգ՝ Արեւիկ Դոխոլյան, 60 կգ՝ Էլիդա Քոչարյան, 81 կգ՝ Անահիտ Միքայելյան, +81 Անի Մուրադյան:
Ավելի ներկայացուցչական է լինելու ժամը 18:00-ին մեկնարկող տղաների եզրափակիչը, որտեղ ոսկե մեդալը մեր երկրի համար վիճարկելու են 48 կգ՝ Թումաս Թովմասյանը, 54 կգ՝ Սուրեն Ռուբենյանը, 60 կգ՝ Ոսկան Ոսկանյանը, 63,5 կգ՝ Մանվել Պետրոսյանը, 67 կգ՝ Արես Հակոբյանը, 71 կգ՝ Հարություն Հակոբկոխյանը, 75 կգ՝ Մարատ Միքայելյանը եւ 86 կգ՝ Ալիկ Հովհաննիսյանը:
Կարդացեք նաև
Այսօր մեր բոլոր բռնցքամարտիկների մրցակիցները ներկայացնում են Ռուսաստանի Դաշնությունը:
Հայաստանի բռնցքամարտի ֆեդերացիան տեղեկացնում է, որ մուտքը «Միկա» մարզահամալիր ազատ է:
Աշոտ ՀԱԿՈԲՅԱՆ
