«Երջանկությամբ եմ արձանագրում, որ մենք առաջին անգամ ՀՀ բյուջեն քննարկում ենք խաղաղության պայմաններում»,-խորհրդարանում ԱԺ լիագումար նիստի ընթացքում ՀՀ 2026 թվականի բյուջեի նախագծի ներկայացման ժամանակ հայտարարեց ՀՀ Ֆինանսների նախարար Վահե Հովհաննիսյանը։
Նա վստահեցրեց՝ այսուհետ մեր ապագան կախված է միայն մեզնից, մեր ստեղծարարությունից, արտադրողականությունից, որոշում կայացնելու կարողությունից և փոխվելու կարողությունից․ «Վերջին հարյուրամյակների ընթացքում մենք մշտապես ապրել ենք լավագույն ապագայի սպասումով։ Երկարաժամկետ պլանում երազել ենք անկախության մասին, իսկ կարճաժամկետ կտրվածքով ակնկալել ենք մեզ իշխող կայսրության բարեհաճությունը։ Վերջին երեք տասնամյակների ընթացքում դրան ավելացել էր նաև խաղաղության սպասումը։ Ապագան արդեն այսօր է, հենց այսօրվա ցանած սերմերն են ապահովելու վաղվա պտուղները, այսօրվա որոշումներն են ձևավորելու մեր ապագա պետությունն ու հասարակությունը, մեր երեխաների ապագան որևէ կերպ նման չի լինելու մեր ու մեր ծնողների անցյալին»։
Վահե Հովհաննիսյանը հայտարարեց՝ վեջին հինգ տարիներին մենք արձանագրել ենք միջինը 7,6 տոկոս տնտեսական աճ ու ասաց․ «Ուրախ եմ, որ ՀՆԱ 5,4 տոկոս աճի կանխատեսումն այլևս սենսացիա չէ»։
Կարդացեք նաև
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
