Նշենք, որ Ադրբեջանի ԱԳ նախարար Ջեյհուն Բայրամովն էր օրեր առաջ հայտարարել, թե Հայաստանի գործողություններն են հրահրել 44-օրյա պատերազմը, այդ թվում Դավիթ Տոնոյանի՝ «Նոր պատերազմ, նոր տարածքներ» հայտնի հայտարարությունը։
«Ալիևն էլ է խոսել շքերթի ժամանակ, ինչքան ուզում են, թող խոսեն։ Իրենք են հրահրել, իրենք են սկսել պատերազմը։ Թո՛ղ առիթներ ման չգան»,–NEWS.am–ի հետ զրույցում ասաց Դավիթ Տոնոյանը։
Նա նշեց, որ իր հայտնի հայտարարությունը չի արել լայն շրջանակների համար. «Իմ հայտարարությունը եղել է հայ հանրության համար, ընտանիքի մեջի խոսակցություն է եղել։ Բայց հանրության դուրը եկել է այդ խոսակցությունը, և մարդիկ սկսել են ուրախությամբ շարունակել այդ խոսակցությունը։ Դա իմ դիրքորոշումն է եղել, և ես չեմ հրաժարվում իմ դիրքորոշումից։ Այն ինչ պետք էր մեր հայ համայնքին, ես ասել եմ և միշտ ոգևորել եմ մեր զինված ուժերին»։
Նյութն ամբողջությամբ՝ սկզբնաղբյուր կայքում:
