ԱԺ «Քաղաքացիական պայմանագիր» խմբակցության պատգամավոր Արուսյակ Մանավազյան ֆեյսբուքյան գրառումը
Հայաստանում աղքատությունը նվազել է։ Վիճակագրական կոմիտեն հրապարակել է 2024 թվականի աղքատության ցուցանիշը․ այն կազմել է 21.7%։
Ծայրահեղ աղքատությունը կազմել է 0.6%։
ՎԿ-ն դեռ որոշակի ճշգրտումներ կանի, որպեսզի 2023-ի հետ համադրելի թվեր ունենանք, բայց ակնհայտ է, որ նվազում կարձանագրվի։ Սա նշանակում է, որ Հայաստանի տնտեսական աճն ավելի ու ավելի ներառական բնույթ է ստանում։
Կարդացեք նաև
Կառավարության հնգամյա ծրագրում մենք խոստացել ենք, որ երկրում չպետք է լինեն ծայրահեղ աղքատներ, և ներկա տվյալները, ինչպես նաև տնտեսական աճի միտումները, ցույց են տալիս, որ մենք շարժվում ենք այդ նպատակի ուղղությամբ։
Որքան Հայաստանում բիզնեսը զարգանա և հարկեր վճարի, այնքան կառավարությունն ավելի արդյունավետ ծրագրեր կկարողանա մշակել՝ բիզնեսի ընդլայնման, սոցիալապես անապահով և անաշխատունակ քաղաքացիներին աղքատությունից դուրս բերելու համար։
Այս ամենը, առաջին հերթին, մեր բարեխիղճ հարկ վճարողների շնորհիվ է։ Ապագան առանց ծայրահեղ աղքատների է, ապագան ավելի զարգացած և ամուր պետությունն է, և հենց այդ ապագային են ուղղված մեր ջանքերը։
