Հանրային ծառայությունները կարգավորող հանձնաժողովի նիստում քննարկվում է «Հայաստանի էլեկտրական ցանցեր» փակ բաժնետիրական ընկերության էլեկտրական էներգիայի (հզորության) բաշխման №0092 լիցենզիան դադարեցնելու մասին հարցը։
Նախքան նիստի մեկնարկը վիճաբանություն տեղի ունեցավ։ ՀԷՑ նախկին տնօրեն Դավիթ Ղազինյանն ու փաստաբան Արամ Օրբելյանը վիճարկեցին նիստերի դահլիճում իրենց համար հատկացված տեղի հարցը եւ նստեցին կողմերի համար նախատեսված սեղանի շուրջ, որտեղ նախօրոք նրանց անունները տեղադրված չէին։
Կարդացեք նաև
«Մեր խնդիրը ոչ թե նստելու տեղի հետ է կապված, այլ խնդիրը իրավական է. մենք ենք հանձնաժողովի միակ կողմը։ Այստեղ անուն ազգանուններ կան, որոնք այսօրվա վարույթի հետ կապ չունեն, այսօրվա ՀԷՑ-ի ներկայացուցիչներին նկատի ունեմ։ Նույնիսկ խնդիր է իրենց այստեղ գտնվելը»,- ասաց Ղազինյանը։
Փաստաբան Արամ Օրբելյանն ասաց, որ ՀԷՑ ժամանակավոր կառավարիչ Ռոմանոս Պետրոսյանը վարույթի շրջանակներում որեւէ լիազորություն չունի, որպես հրավիրված անձ՝ կարող է մասնակցել նիստին։
Մանրամասները՝ տեսանյութում
Ռոմանոս Պետրոսյանը, մտնելով նիստերի դահլիճ, լրագրողների հարցերին ի պատասխան հայտարարեց, որ լրագրողները սադրիչներ են։ «Նիստը սկսվել է, դուք խնդիր ունեք տապալե՞լ այս նիստը։ Ես ՀԷՑ-ի ժամանակավոր կառավարիչն եմ, թույլ տվեք իմ տեղը զբաղեցնեմ»,- լրագրողներին դիմեց Պետրոսյանը։
Մանրամասները՝ տեսանյութում
Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը սպառնաց լրագրողներին եւ դահլիճ հրավիրեց ոստիկանների։ «Էն, ինչ դուք անում եք, անկարգություն է, խուլիգանություն է, խնդրում եմ, հարգելի ոստիկաններ, կարգի հրավիրեք լրագրողներին»,- ասաց նա։
Մանրամասները՝ տեսանյութում
Դավիթ Ղազինյանը լրագրողների հետ զրույցում ասաց, որ օրեցօր համոզվել են՝ այսօրվա նիստում ՀԷՑ-ին զրկելու են լիցենզիայից։ «Բայց մեր՝ այստեղ գտնվելը ներկայացուցչական կազմով փաստում է, որ մեր արած-չարածների համար վախենալու բան չունենք։ Պատրաստ ենք պատասխանել բոլոր հարցերին»,- նշեց նա։
Մանրամասները՝ տեսանյութում
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
