«Պարոն Խաչատրյան, խմբակցության նիստերի ժամանակ ասում էի կամաց, թաքուն, ասում էիք՝ մի ասեք։ Հիմա բոլորը խոսում են, ես չխոսե՞մ»,- խորհրդարանում 2026 թվականի բյուջեի քննարկման ժամանակ ՔՊ-ական պատգամավոր Արմեն Խաչատրյանին դիմեց ՔՊ-ից հեռացված Հովիկ Աղազարյանը։
Արմեն Խաչատրյանին եւ Արման Եղոյանին դուր չէր եկել Հովիկ Աղազարյանի ելույթը, որտեղ նա անդրադարձել էր անկլավների վերադարձի թեմային։ Վերջին շրջանի իրադարձություններից՝ հատկապես Սերժ Սարգսյանի հարցազրույցից հետո Նիկոլ Փաշինյանի գրառումներից ու հայտարարություններից, Հովիկ Աղազարյանը տպավորություն ունի, որ անկլավների վերադարձի փուլում ենք․ «Տիգրանաշենը պիտի վերադարձնենք։ Իր կարծիքով, եթե Տիգրանաշենը վերադարձնելու իրավական հիմքերը կան, այսինքն, եթե այն նախկինում իրավաբանորեն պատկանել է Ադրբեջանին, ապա ՀՀ կառավարությունը պետք է փորձի համոզել Ադրբեջանին, որպեսզի այն փոխանակվի Արծվաշենի հետ։ Այսինքն, Արծվաշենը մնա Ադրբեջանին, Տիգրանաշենը՝ Հայաստանին։ Այլապես, հայկական կողմը պետք է հրաժարվի նաեւ Արծվաշենից։ Դրա փոխարեն՝ բանակցելով, որ փախստականների վերադարձի հարցը հետաձգվի 30-40 տարով։ Այլապես, ըստ նրա, բարդ է լինելու։
ՔՊ-ական եւ ՔՊ-ից հեռացված պատգամավորների վեճին զուգահեռ՝ նիստը նախագահող Ալեն Սիմոնյանը զգուշացրեց, որ ինքն այլեւս տեխնիկապես հնարավորություն ունի անձամբ ընդհատելու ելույթ ունեցողի խոսքը․ «Կնոպկա կա։ Թույլ մի տվեք, որ օգտագործեմ։ 37 թիվն է, հա՜»։
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
